Bu ilin ikinci və son Günəş tutulması başlayıb

Nəsrəddin Tusi adına Şamaxı Astrofizika Rəsədxanasından verilən məlumata görə, bu ilin ikinci və son Günəş tutulması Bakı vaxtı ilə saat 19:34-də başlayıb və saat 23:57-də sona çatacaq. Hadisənin maksimum fazası isə 21:46-da qeydə alınacaq. Ümumilikdə təxminən 5 saat davam edəcək tutulma zamanı Günəş diskinin tam örtülməsi təqribən 7 dəqiqə davam edəcək. Tam Günəş tutulması əsasən İslandiya, İspaniya, Portuqaliyanın şimal-qərbi, Qrenlandiya və Atlantik okeanının şimal hissəsindən keçən zolaqda izlənəcək. Qismən tutulma isə Avropanın böyük hissəsində, Şimali Amerikanın bəzi ərazilərində, Sakit okeanın müəyyən bölgələrində və Afrikanın şimal-qərbində görünəcək. Təəssüf ki, Azərbaycandan bu tutulmanı müşahidə etmək mümkün deyil. Ölkəmizdə sonuncu qismən Günəş tutulması 25 oktyabr 2022-ci ildə baş vermişdi. Növbəti dəfə isə 2 avqust 2027-ci ildə ölkə ərazisindən qismən tutulma müşahidə olunacaq. Həmin hadisə tam Günəş tutulması olsa da, Azərbaycan tam kölgə zolağında olmadığından yalnız qismən fazası görünəcək.