Azərbaycanda İlk Meyxana Temalı Serial: “Qəzəl Kimi” Yolda

Azərbaycanda meyxana mövzusunda çəkilən ilk serial olan “Qəzəl Kimi” layihəsinin hazırlıqları başlayıb. Azərbaycan Film Akademiyasının dəstəyi ilə ərsəyə gələn serial 12 seriyadan ibarət olacaq. “Qəzəl Kimi” serialı Mədəniyyət TV-də yayımlandıqdan sonra Flix kino platformasında tamaşaçılara təqdim ediləcək. Yalnız serialın ilk seriyası YouTube kanalında yayımlanacaq. Serialın mövzusu yeniyetmə bir oğlanın meyxana öyrənmək istəyərkən yaşadığı duyğular ətrafında cərəyan edir. O, dul ədəbiyyat müəlliminə aşiq olur və bu sevgi onun həm ilham mənbəyi, həm də əzab qaynağına çevrilir. Ssenari müəllifi və rejissoru Zaur Tahirsoy olan bu layihə, Azərbaycan mədəniyyətində yeni bir istiqamət açmağı hədəfləyir.