Bəqai: Xəzər Konvensiyasının ratifikasiya üçün parlamentə göndərilməsi müharibə ilə bağlı deyil

İran Xarici İşlər Nazirliyinin sözçüsü İsmayıl Bəqai Xəzər dənizinin hüquqi statusu haqqında Konvensiyanın ratifikasiya üçün parlamentə göndərilməsi ilə bağlı açıqlama verib. nın Tehran bürosunun məlumatına görə, Bəqai bildirib ki, 2018-ci ildə Azərbaycan, İran, Qazaxıstan, Rusiya və Türkmənistan tərəfindən imzalanan Konvensiyanın İran parlamentinə göndərilməsi müharibə və ya xarici hadisələrlə əlaqəli deyil. "Sənədlə bağlı yekun qərar, Konstitusiyaya əsasən, parlamentə məxsusdur", - Bəqai vurğulayıb.